وانا اتصفح في النت لقيت وصفة سهلة جدا لتحضير عصير الليمون جربتها والنتجة اكثر من رااائعة
وخاصة للعاملات لان راح نحضره قبل ونحتفظ به في المجمد
المقادير:
ـ كيلة عصير ليمون يعني نعصر الليمون في العصارة ونكيل كيلة منه ممكن نستعمل الكيلة هي الكاس
ـ نفس الكيلة سكر احرش
الطريقة:
نحط عصير الليمون في اناء
نحط فوقه كمية السكر
نغطيه ونخليه نهار كامل مرة على مرة نحركه باه يذوب السكر
نحطه في علبة محكمة الاغلاق ونحتفظ به في المجمد
الوقت لي نحب نشرب عصير ليمون منعش ناخذ 3م ك مملؤة جيدا ونذوبها في 1لتر من الماء
انا استعملت ملعقة المثلجات
وراح نتحصل على ارووووع عصير ليمون بمقادير جد مضبوطة حتى السكر مضبوط يعني نحضره مسبقا وخلال دقيقتين نحضره
انا اعتمدت الوصفة ومانغيرهاش نتمنى تجربوه واكيد راح تدعولي
في امان الله
